@تغليــنا@

[عيناويه مشاكسه]

احم..احم..يشرفني إني أقدم لكم أول موضوع ليه في هالمنتدى...


وهاي قصيده كتبتها في ربايعيه أيام الثانويه...


هن زعلن مني وكان الزعل لأني غبت يوم عن المدرسه يعني كانن يتغلن شويه..


الموووهييييم...بتريا رايكم فيها بس ها ترانا إلا مبتدئين في الشعر يعني هب لين هناكـ..

كح كح..احم:060:


*تغلينا*



تغلينا وزعلنا صدق..تفرقنا ونسينا الود.


نسينا كل ما في القلب..ولا فكرنا نوفي الوعد..



بدينا بالفعل ننهي..علاقتنا بفعل الصد..


وقام الفاعل يكابر..مثل موج الجزر والمد..



وأنا عبرتي بدت تنساب..من عيني على هالخد..


أبي أعرف وش الأسباب..هي غلطة ولّا عناد..



وإذا في حقكم غلطان..ترا آسف ولك هذا الوعد..


أبد ما بيّن بدنياك..وببدى بالفعل أبعد..



وأعيش العمر وحدي..بعيد بدنيتي وودي..


وإذا القصة عناد..عناد..بترك كل ما في اليد..



وبمشي خطوة بخطوة..وبقسى مرة وأعند..


وأتحداك..وأتحدى...وبعيش العمر متحدي..



تروح يمين،،أروح يسار...تجي تقعد،،أقوم أوقف..


وأعيش فـ دنيتي بعناد..وأعاند كل أفعالك..



تظن إني أنا ماقدر،،لا والله استانس..


بعيش الدور بعناده..وأسمي الفلم فلم عناد..


بشوفك لي متى تصبر..وتقدر تعاند عنادي..



بخلي دنيتك فني..وبرسمها على كيفي..


ببدى وبرسم الصورة..وبرسم عينك وعيني..



بخلي الصمت يملكها..وعيني بالحكي تبدى.


تقول وش جرا أو صار،،وإلى أي وقت هذا الحال؟!



عشنا أيامنا بعناد..وكله من تغلينا!!

خلاص وتوبه ما تنعاد،،وإذا تغلينا ما نزعل...



اتريا رايكم فيها..وترا رايكم يهمني...

[glint]

ختكم الصغيره$عيناويه مشاكسه$،

[بنت عز (ماتنهز)]

القصيدة روعه
وطرررررررررر
وكشخه
والله وناسه
تسلمييييييين يالغالية ع هالقصيدة الحلوة
واول مشاركة لج كشخه
عيل شو المشاركات الثانية
انا مافيني صبر ابا اعرف..

:ad::ad::ad::ad::ad:

[عيناويه مشاكسه]

احم..احم..اخجلتم تواضعي...


تسلمين حتاتي على الرد اللي يرفع المعنويات...


ومشكوره وااااااايد على مرورج الطيب...


وخلي فيج صبر شويه...والخير ياي إن شاء الله..


[glint]
ختج الصغيره$عيناويه مشاكسه$

[ЏšMσǾηί MjиOσŅк]

تسلمين عينآآآويهـ عالقصيــدهـ الحلوه ...
وبدآآيتج حلوه ويآآنا ...
لا تحرمينا من يديــدج .. ^_^

[عيناويه مشاكسه]

بوويه بو غنوم..
تسلمين يا الغلا على التشجيع الحلو...

[@@شبيه الريح@@]

ما شاء الله عليج يا العيناوية

صراحة القصيدة روعه

كلماتها وايد عيبتني

وترتيبها حلو

تسلم ايدج ونتريا الزود من جداج خيتو

[عيناويه مشاكسه]

تسلم على المرور شبيه الريح عطرت الصفحه بمروركـ....