تنبيهــات اداريه ..[يرجى الدخول للأهميه]

[[..ViP..]]

السلام عليكم والرحمه
حيـــه ملايين ولا ينخردن فذمتيه .. ^_^
هاا شو الهبات اخوانيه ؟؟



اليوم شي قرارات بأكد عليها .. و قرارت يديده بذكرها


[أقســــام يمنع فيها المنقول]


(قسم الماسنجــر)
(قسم فضفضــه)
(قسم الجرافيكس)
(قسم الفلكر )
(قسم بصمتي)
(قسم عبق القصيد)


{قسم المـــاسنجر}
بالنسبه لقسم الماسنجر انا من قبل مانع المنقول فيه
ومطرش رسايل حق الاعضاء بخصوص هالموضوع
بس الظاهر انهم لبسوني و ما دقوا راس للي اقوله
احينه ابا انوه ان أي موضوع منقول فقسم الماسنجر بيتم حذفه من قبلي مباشره
او من قبل الاداره العليا .. او مراقب القسم
فلا تزعلون اذا حذفنا مواضيعكم المنقوله .. لان نحن مب هدفنا نقل المنقول
و استخذام الكوبي بيست دايماً .. هدفنا الابداع و ان الواحد يسوي شي روحه





{قسم الجرافيكـــس}
يمنع المنقول فيه او فقسم الجرافيكس تولز ..
و أي موضوع منقول ينحذف ..
كذلك أي واحد يبا يطلب مساعده و الا شي
لا يحطها لي فقسم التصميم .. خله يحطها فقسم [الجرفيكس تولز]


{قسم الفضفضه}
و بالنسبه لقسم الحوار و المناقشات (فضفضه) كذلك يمنع فيه المنقول
و اتمنى من كل عضو ينزل موضوع فهالقسم يكتب آخر شي بقلمي.. عساس نعرف انه من كتاباته
واذا اكتشفت ان شي صرقه بيتم تنبيه العضو مره مرتين ثلاث و خلاف بينطرد
و قراري بيكون نهائي





{قسم الأخبــار}
وبالنسبه لقسم الاخبار .. انا طلبت ينكتب المصدر
مابا أي واحد يحط لي مصدر من مخه .. و مابا اجوفه كاتب منقول من الايميل
لوسمحتوا .. و الا بيتم حذف الموضوع





{قسم عبق القصيد}
منعنا المنقول فيه واي عضو كتب قصيده وحب يعرضها
يكتب اخر شي بقلمي
عسب نعرف ان هو اللي كاتبنها





{قسم أخبـــار سما العين}
و بالنسبه لقسم اخبار الاداره .. ما با اجوف و لا عضو منزل مواضيع هناك
لان القسم خاص بمواضيع الاداره فقط الا وهم : محروم العين ، شبيه الريح ، ViP، درب الود





{ردودنــــــــــــــا}
و بالنسبه للردود يا اخوان ..
مانبا يسلمو ، يعطيك العافيه ، مشكور ، ما قصرت
و من هالكلام الفاضي
نبا رمسه تفتح نفس الواحد عشان يقدم المزيد .. هذا هوه
ما نبا ناس ترد عـ المواضيع عسب تزيد مشاركاتها
مب ناقصين زيادة ردود عـ الفاضي
و أي رد بيكون مخالف للقوانين سيده بينحذف





{تواقيعنـــــــا}
و بالنسبه للتواقيع اذا جفت أكثر من ثلاث تواقيع
بينحذف توقيع العضو و بينحط بداله تنبيه
و بعد أي عضو يطلب توقيع و مشاركاته تحت الاميه ما تسووله توقيع ..
يعني لازم تكون مشاركاته 100 وفوق
لن بعض الاعضاء يسجلون فالمنتدى يطلبون توقيع
يهفونه و يظهرون ..
و بعد أي عضو يبا يطلب توقيع لا يحط لي موضوع فقسم الجرافيكس و يطلب
واذا حصل هالشي ينحذف موضوعه ..
طلبات التواقيع تكون فموضوع [طلبات التوقيع]
http://www.smaal3in.com/vb/thread18409.html





{مبدعينــــــــــا}
و المبدعين .. بنشل الالوان عنهم
و بيتم اختيار مبدعين الشهر ..


{مواضيعنـــــــا}
كذلك آخر شي بيتم تمييز المواضيع
و تمييز المواضيع بيكون من قبل الاداره العليا او مراقب القسم
بس هاه أي موضوع اتميز و هوه ما يستاهل يكون مميز
بيتنبه الاداري او المراقب.. و بنرد الموضوع كموضوع عادي ..
و أي عضو بينسب مواضيع شخص ثاني لنفسه بنبهه
واذا ما سمع الرمسه
بنضطر نوقفه




سمحولي اذا كنت صارم وياكم .. بس انتوا اللي حديتوني اسوي هالشي
المنتديات الثانيه ترتقي بابداعها و نحن مب اقل عنهم و الا.؟
كل هالاشيا بتطبق من تاريخ اليوم .. 24/6/2008

[@روووح طفلــهـ@]

بصـــراااحه يعطيك العأأأفيه أخوي

ما قصرت بشي ما شاء الله عليك

كفيت ووفيت

وإن شأء الله الكل بيتبع القوانين

همسه:( سما العين ،،،،، سما التميــــز والإبـــدأأأع ) :ad:

[• žğятϊ¥άн •]

~{ انـٍاآ ويـٍاآك فكـٍل الـ،ي
قلتـٍهـ ..~
ماشاءاللـّهـ عليـٍّك كفيت
ووفيـّت ..~
وهالمنتـّدى كل يوؤم عن
يـٍوؤم يطوؤر ونشـّوف
الابـّدآآع فيـّهـ ..~
يعطيـّك العاآفيـّهـ ع هالمجهوؤد
وعسـٍاآك عالقوؤهـ دووؤم :ad: !||!~

[محـ العين ـروم]

تسلم في اي بي على الموضوع

اخواني اخوي في اي بي طرح علي الموضوع قبل طرحه

وكان صراحه موفق في كلامه نحن تميزن بالمبدعين

ليش مانستغل امكانياتهم عشان جي نحط هاي القوانين

نحن عدناااااا االابداع ليش مانفعله وهاي القوانين بتثبة

اناا الابداع طعه غير عدناااا

[[..ViP..]]

مشكورين اخوانيه عردودكم ..
وانا ارجو واتمنى ان هالاشيا تطبق ..
عشان ما نضطر نتبع اساليب ما تعيب الاعضاء ولا تعيبنــا

^_^

[عفتهآ دنيآيـ]

[..ViP..]

هيه والله صدقت ف كلامك نحن هب اقل من المنتديات الباقيه

يعطيك العافيه أخوي وما قصرت وان شاء الله كل شيء بيطبق

دمت ف حفظ الرحمن

[BeNt-bdow]

.
.

تصـــرفكـ الصرآآحه تصررف سليم 100%

وهااا تصرف أي واحد يحب منتدآآه ويباله التقدم والرقي وزياده ابدآآع اعضاءه فـ مواضيع اور ردود او اي شي كان ^^

وانا وياك الصراحه ,, ومنتدى بلا قوانين وحركه من ادارته ماينفع ,, وانتوا هب مقصريـــن --> وعلى الله التوفيــــج ^^


وكل اللي قلته نايس وفي محله الصراحه ,, وانت سويت هالشي و ها مايدل غير انك مهتم وتبا الخيــر لمنتدآآكـ ^^

ونحن نحبــه كمــان سووو ح نكمــل المسيره مثل مابدينــآآآهـــأأ ^.^

وبالتوفيـــج لسمــآ عنووونــأآ :ad:


وسلمت اخويه ع هالحركه والتنبيهــآت الموومتازه أوي هع ^^


.
.

[سمو المشاعر]

إن شاء الله بنتبع كل القوانين ،،

وباجي الأعضاء ما بيقصرون بعد ،،

أكيد نتمنى ان منتدانا يكون أكثر من متميز ومبدع ،،

وحنا وياكم يالاداره ،،

[دڔب آلــَـَۈۈد]

[..ViP..]



اشكرك اخويه على هالقوانيين واللي لازم الجميع يلتزم بها سواء مراقب ولا مشرف ولا عضو عادي


وان شاء الله نكون عند حسن ظنكم وبتعاونا بإذن الله بيرتقي المنتدى للأحسن

[п̵ι.мп̵иsσσσяı]

تصرف سليم ولازم يستوي ه الكلام من زمااان ..

القرارات صح انها صاارمة بس كلها لصالح المنتدى ,,

تسلم اخويه في اي بي ع القرارات وع حرصك على رقي المنتدى ,,

ونترقب المزيد من ابدااع الاعضاء ,, وبالتوفيج للكل ..

[الْسوُجِريـ‘ـﮧ.،}!]

مــآ فيـــك حيــــله شيــ خ ــي .~,ْ

وأمـــره ما تـــقصـــرون .~,

وان شـــاء الله نــرقب الاتـــزام من الــ يميع .~ْ,

. ,’ لأ هنـــت شيـــ خ ـــي ~ْ},

[™мιşś.яэєм ®]

ڪل آلي قلت عليه رآح يطبــق آن شــآء آلله . .
وًهآلشــي مفروًض آنه يسيــر . .
آذآ نبآ منتڊِآآنآ يتقڊِم . .
.
.
يعطيڪ آلعآفيه آخوًيه . .
وًمآ قصــرت . .

[ولد الشليله..؟]

يعطيك العافية أخوي ع التنبيهات

بس حبيت أزيد على كلامك

قسم التصوير فلكر

يمنع المنقول فيه

وأنشاء الله الأعضاء يطبقون القوانين

[گـندۈره مـבֿـۈره]

بصرآحة فعلا قرآرات صارمة و موجها بشكل صريح بس إن شآء الله الكل رح يلتزم و يسمع رمستك و مندون طاف و سمحوليه على التقصير و على العموم يا خويه مسموح و تحياتك لك ..

[lσllipσp]

اصلان مفروض هالشي يطبق من زماان ..

يعطيـك العافيه ..

[شيخة المناصير]

يعطيك الف الف الف عافيه مشاءالله عليك مستوي شديد هع>>اثولف..هع

[[..ViP..]]

مشكورين اخواني على ردودكم ..
استانست يوم شفت انكم مأيديني وان شا الله منتدانا من احسن لاحسن
و هذا بيكون على ايديكم

قسم التصوير فلكر
يمنع المنقول فيه
ولد الشليله
هيه اخويه قسم الفلكر نحن مانعين عنه المنقول ..
وبما ان محد يحط مواضيع منقوله هناك ..
ما ذكرت هالشي اهنه

مستوي شديد
شيخة المناصير

شنسوي يختي .. اذا ما استوينا صارمين ما بتمشي الامور عدل
هع هع :ag:

[нƿ.ειηƨэєм )*]

http://www.smaal3in.net/up/uploads/8817621057.gif

![ vip ~ ©

:

عـُلـمَ .!

بس آتمنى آعآدة آلنظر فـ موضوع رسـآئل آلزوآر ..
و في موضوع آلتقييم } -

http://www.smaal3in.net/up/uploads/580210dc8b.gif

[~.{..NaBD.MeshtaG]

![ ViP} - ~
.
،
.

عليـــك الـــــسلامـ و الــرحمـــه . !
[:h_kekh:].~


وانــآ ./ اقولك شغلك عدل ون هاندريد برسينت يعني جي 100%]--
مشكوـور عـ القوانين . الصــآرمــه .
و ان شا الله كل الاعضاء بيموشون على عجيب ما يلخبطوهوش .!
~{عـ قولة اخوانــآ المصريين .

مشكور على اهتمــآمك الشيخ
وان شا الله من تقدمـ لتقدمـ . .!

.
،
.
سي يــــــآ آ آ آ . . / / ~

.......................{ نبوض كـآنت هونــــآ ] !

[جرحيْْے الداميـْے..]~]

.
.
السلامـ عليكمــ والرحمه ..~

شحالكــ .. [ .. ]

الموهيمــ ..~
زين الي سويته خيووووو ..

لانه زاادتــ الحد ..

يعطيك الف عافيه .. ~
.
.

[صمت الليالي]

تسلم يا اخوي على اقتراحاتك بس عندي تعليق بسيط :_

1_ انته تتكلم عن المواضيع المنقوله تعرف شو بستوي اقل شي بستوي كوبي بست وادخل بعض الاضافات من عندي واقول انا الي كاتبنه يا ريال اذاكل عضو مشارك بنقول 5 منتديات
هاي شبكة معلومات كبيره ما تروم تحد منها وعما قريب بتشوف النتائج


2_ طبعا اتكلمت عن الردود انا معاك في بعض الردود تنقهر منها والبعض منها تبيض الويه لكن في مواضيع تخليك تلزمك بالرد على الموضوع باسلوب معين وصدقني باسلوبك هذا اقول حق اشوه ارد على الموضوع اذا بيحذف المشاركة وفي اقسام محد يرد عليك اذا نزلت موضوع يكمل شهور وتلقى بس واحد راد عليك انا مب معاك بتاتا في هاي النقطة


3_ وبالنسبه الى الردود طبعا كل عضو ايديد يبا يزيد مشاركاته لعدة امور سواء توقيع ولا انه يستوي مراقب وطبعا في منتدانا ما شاء الله عضو توه داش وتلقاه مراقب عشان انه يعرف المراقبين ولا بينهم علاقه حته مشاركاته 50 ما وصلن على شوه وناس تذبح عمرها ومحد مسولهم سالفه وبعدين انته اشوفك في سنه حسنه وحته ردودك ومشاركاتك معدوده ولا محتك مع مراقبين المنتدى والاعضاء عشان تعرف شو مستوي في المنتدى ويوم بفرض قوانين بدرسها دراسه عدله من جميع النواحي الايجابيه والسلبيه


4_ وانته باسلوبك هذا والقوانين هاي بتحبب الناس في المنتدى ولا تبا تشردهم وانا اعرف اعضاء وايدين في المنتدى كلهم يبون يطلعون ومليون منتدى برع وصدقني كل شي في الدنيا بالعقل وكلمه الحلوه وباسلوب حلو تقدر تلين اكبر راس


5_ اوجه رساله الي جميع الاعضاء الي في خاطره شي يتكلم ودروا عنكم المجاملات اكثر الردود على الموضوع فالك طيب وحاضرين الي في خاطره شي يتكلم

وعالعموم ما بطول عليك هذا منتداكم وكيفكم والسموحه منك

[فنان عيناوي]

تسلم أخوي عالتنبيهات ..

مشكور ماقصرت ..

[[..ViP..]]

هب النسيم
ان شا الله برمس محروم بخصوص التقيم ورسايل الزوار
فالج طيب^_^


نبض مشتاق
جرحي الدامي
فنان عيناوي
مشكورين على مروركم شيوخنا
والرب لا هانكم..


صمت الليالي
السلام عليك و الرحمه
يا مرحبا بك اخويه صمت الليالي ورمستك عالعين و الراس
وانا اشكرك على تعليقك هذا
واذا تسمحلي بوضحلك بعض النقاط

اولاً الموضوع المنقول تعرفه من الموضوع المب منقول
وانا زخيت كذا موضوع مغيرين فيه الكلام
لكن مع ذلك عرفت انه منقول ونبهت العضو ان موضوعه منقول
قال اسمحلنا و ان شا الله هالشي ما بيتكرر

يعني لنفترض انته حطيت موضوع فقسم الحوار و النقاش و غيرت فيه بعض الاشيا
شو بتكون تغييراتك ..؟؟ اذا انته ما تعرف تكتب بتغير لي كمن جمله و بجذه بكشفك
و قوقل يسوي العمايل يخويه
و لو كنت تعرف تكتب بتغير الموضوع بكبره و بتخلي الفكره
هاا معناته انك ما نقلت الموضوع انته كتبته بطريقتك
و انا ما بحاسبك لانك نقلت الفكره .. انا احاسبك اذا نقلت الموضوع حرف بحرف

اوكي يخويه بالنسبه للردود .. احينه اذا واحد مسولي تصميم والا منزل صوره من تصويره وكله من شغل ايدينه
و الا حتى فقسم الحوار كاتبلي موضوع ويه وااحد كتبله يسلموو و الا يعطيك العافيه هاا شو تباني اسوي له
اضحك له و اقوله مشكوره؟؟ لا الشيخ ما يستوي جذه .. لازم انبهه عسب يرد عدل
نحن ما نباه يزيد مشاركاته وبس نحن نباه يبدع فالمنتدى مثله مثل غيره من المبدعين

اخويه انزين انته منو قالك ان فيه مواضيع تكمل شهور و محد يرد عليها
هذا قبل احينه الوضع اختلف .. احينه يردون على الموضوع بطريقه تخلي الواحد يرتاح نفسياً
بعدين انا قلتلك الرد اللي بينحذف بيكون يسلموو ، يعطيك العافيه يعني بالله عليك واحد يرد بهالطريقه
تباني اخلي رده .. لايمكن ؟؟

انزين اخويه بخصوص المراقبين عطني اسم مراقب حاطينه ومشاركاته 50 او حتى اميه .. و انا بتصرف وياه
اخويه نحن يالسين نعطي كل شخص حقه .. يعني المراقب ينحط عالقسم على اساس مساركته فالقسم
ورده عاللي ينزلون مواضيع فهالقسم ما نحطه على اساس كم مشاركه عنده
انا شو ابا فواحد مشاركاته تصك الالفين و الثلتّالاف وهوه ما يشتغل وياي ولا يساعدني فشي

وبالنسبه لكلامك عني .. مشكور و ما قصرت وتسلم على هالكلام الطيب
بس يكون فعلمك يخويه .. ترا الناس دايماً تنخدع فالمظاهر
يعني انا صح استوالي فتره ما قمت احدر فيها المنتدى
لكني اتابعه بين فتره و فتره و الا جان ما جفتني حطيت هالفوانين .. هاا شو الراي؟
لاتتحراني يخوي يوم اني ما ادش المنتدى هذا معناته اني مب مهتم فيه بالعكس

وبعدين اباك تسوي شي وااحد احينه دش ملفي الشخصي وجوف مشاركاتي ..
انته تقول مشاركاتك معدوده هيه نعم انا وياك بس جفت كيف ارد ع الاعضاء مااقولهم
يسلموو و مشكور شرات كل اداري يجامل الاعضاء جوف انا انسان مشغول و مع ذلك
احاول ارتقي بالمنتدى و فنفس الوقت احاول اشجع المبدعين اللي عدنا
اللي ما يهمهم جمع المشاركات و بس .. همهم يظهرون ابداعهم فهمتني ؟؟

وبالنسبه للنواحي الايجابيه و السلبيه .. شي اكيد ان هالموضوع نزل من عقب دراسه
و انا ما بنزل شي قبل لا اتأكد اميه بالميه انه بيفيد المنتدى و ما بيضره

ليش الشيخ و قوانيني شو فيها عسب تشرد الاعضاء ..
حبوب المنتدى منتداهم و حياهم الله فاي وقت اللي يحب يستمر ويانا ويلتزم بالقوانين حياه الله
و بحطه على راسي من فوق و اللي همه يزيد مشاركاته وما يلتزم بقوانين المنتدى احب اقول
ترا المنتديات مكوده و نحن ما بنغصبه يتم لن نحن يهمنا الابداع اولاً واخيراً..

انزين يخويه انا ابا أي واحد يعترض عالكلام اللي اقوله و يعلق عالموضوع ..
تراني ما بروغه و الا بسبه
حياكم الله يميع و مثل ما ابدا اخويه صمت رايه من حق كل واحد يبدي راييه
حياك الله الشيخ و مشكور مره ثانيه على كلامك .. و تراك مسموح ^_^

[عيناويه والنعم]

مشكور اخويه [..ViP..] ع التنبيهات

وان شاء الله يلتزم بها كل الاعضاء

[Ļŏćọ ČυĹέ]

أنـــ شـــاء اللــــهـ بــنتبـــعـ كـــل الــــقواااانــــــين ...

[ڜـآمـפֿـة آڶڒآڛ]

الكلام فناان وماعليه رمسه ثاانيه والقوانين سليمه واي حد يبا يعم التميز في منتداه بتكون هاي رمسته واي حد من الاعضااء يبغي انه يكون في منتدى مميز لازم يلتزم بـ هالقوانين..~!

لكن انا عندي تعليق على نقطتين من النقاط المذكورة..~!

الاولى:

و بعد أي عضو يطلب توقيع و مشاركاته تحت الاميه ما تسووله توقيع ..
يعني لازم تكون مشاركاته 100 وفوق
لن بعض الاعضاء يسجلون فالمنتدى يطلبون توقيع
يهفونه و يظهرون ..

وانا اقول من الافضل ان اي مصمم من مصميمي المنتدى بيصمم لعضو من الاعضاء توقيع والا اي تصميم ثااني يحط عليه لنك منتدانا عشان اللي في نيتهم يحدرون ياخذون التوقيع ويظهرون مايقدرون يسوون هالشيء ..~!



النقطة الثانيه:

{مبدعينــــــــــا}
و المبدعين .. بنشل الالوان عنهم
و بيتم اختيار مبدعين الشهر ..

على اي اساس بيتم اختيار مبدعين الشهر؟؟؟

واتمنى اني اشوف رد على استفساراتي..~!

والسمووحة منكم..~!

[MADE IN ZAKER]

يسلمو......